মনসূয়া আইজ
সন্তোষ সিংহ
তুই বা আছিস কুত্তিকোনা
মুই বা আছােং কুত্তি
ফেলেয়া আইসা মনসূয়া আইজ
পাথার বাড়ির সুত্তি।
কত ডেকাং আয়রে সােনা
আয়রে টিয়া পখি।
নাল ডিবডিব ঠোঁটকোনা তাের
এলাও থাকোং দেখি।
বিষ্টি ভিজা চউখ দুইটা তাের
স্বপন হয়া ফুটি
কত আশায় ভােলেয়া জীবন
করিল আধানুটি!
আধানুটি জীবন মাের
ঘরবাড়ি হই শূন
কোনদিআইসে বান বাইষ্যা
কোনদি আইসে দুন!
উদাং ঘরত শুতি আছােং
দিলা না যায় ভুলা
মনের কথা ঘাটা হারায়।
গান খায় বুকশূলা!
কায় আর আজি বুকের উপরা
বুক পাতিয়া দিয়া
তাের নাকা মােক কইরবে আদর
কায় জুড়াবে হিয়া!
কারবা ময়াত্ থাকিম পড়ি
কায় আছে মাের আর
তুই বিনা এই জীবনটা মাের
হইছে যে ছারখার।
তােক যেদুমুইনা পাং সােনা
নদীত্ দিয়া ঝাপ
শ্যাষ করিয়া জীবনটা আইজ
ঘােচেয়া ফেলাইম পাপ।
হালিচা:
সন্তোষ সিংহ