বুকের ভিতিরোত ষাইটখ্যান পাঁজর
চাইর খ্যান গেইলেক ভাঙ্গিয়া,
দশখ্যানত ফির ঘুন ধরিছে
তোরে বাদে কান্দিয়া।
আধেক গিল্যাত দাগ নাগালু
দুঃখ দিয়া হিয়াতে,
কইলজা খ্যানত পচন ধরিল্
না যায় থোয়া দেহাতে।
না থাকে মোর জিবন পংখি
কোন বেলা যায় উড়িয়া।।
নিক্যাশ বয় মোর ঘনঘন
ফুরিয়া আইসে রে দম,
নোনা জলের সাগর চখুৎ
তোর কথা পরিলে ফম্।
কি হালে যায় দিনরজনী
(তোক) বুঝাং কেমন করিয়া।।
বিষম খায়া জিব্বা কাটে
প্যাটত না যায় ভাত,
উষ্টা খায়া নগুল ফাটে
শরিল শুকি কাঠ।
দুই চখুৎ মুই আন্ধার দ্যাখং
তোর পিরিতে পরিয়া।।
_____ আশরাফুল আলম।
পাঁচপীর,উলিপুর,কুড়িগ্রাম।
চাইর খ্যান গেইলেক ভাঙ্গিয়া,
দশখ্যানত ফির ঘুন ধরিছে
তোরে বাদে কান্দিয়া।
আধেক গিল্যাত দাগ নাগালু
দুঃখ দিয়া হিয়াতে,
কইলজা খ্যানত পচন ধরিল্
না যায় থোয়া দেহাতে।
না থাকে মোর জিবন পংখি
কোন বেলা যায় উড়িয়া।।
নিক্যাশ বয় মোর ঘনঘন
ফুরিয়া আইসে রে দম,
নোনা জলের সাগর চখুৎ
তোর কথা পরিলে ফম্।
কি হালে যায় দিনরজনী
(তোক) বুঝাং কেমন করিয়া।।
বিষম খায়া জিব্বা কাটে
প্যাটত না যায় ভাত,
উষ্টা খায়া নগুল ফাটে
শরিল শুকি কাঠ।
দুই চখুৎ মুই আন্ধার দ্যাখং
তোর পিরিতে পরিয়া।।
_____ আশরাফুল আলম।
পাঁচপীর,উলিপুর,কুড়িগ্রাম।
হালিচা:
আশরাফুল আলম