সচা কাতার যুগ উকট্যাং
মোর জিবোন ব্যাপি।
বাপ, আজু কইচে—
পাস্টটেন্সর দিন অতির মানষিলা খিব
জলের মতন ঝলঝলা আছিলেক।
নদিত পুটি, ডাইরকা মাছের সর
ভাইসি ভাইসি বেরায়।
গছে গছে কতো নাকান পকি
কোল্লাহর তুলি দেয়,
কি সুখি জনোম আছিল!
বিয়ান ফুটতে না ফুটতে
গোয়ালিত গরু-বাছুরের ডুকরোন–
শাল বনের শিরশিরি বাও–
ধরলা নদীর সোত–
উদাস উদাস মনকোনা
ফুরফুর করি উঠে।
এলা হারেয়া গেইচে পেম-পিরিতি
হারেয়া গেইচে ঢেকির
পারের রীতি।
মনকোনা খুলবুলায়...
সচা কাতার মানষিলার সোদে
চোখা-চুখি হবার বাদে।
কানাই রে, ভুট্টু রে...
তুই কুত্তিরে?
কবি: বর্ণজিৎ বর্মন, ভারত।
হালিচা:
বর্ণজিৎ বর্মন