ঢেনাওলা বনাম মাইয়াওলা — মিঠুন রায়

ঢেনাওলা:  এলা আছে দুই পাও যেত্তি ইচ্ছা সেত্তি যাও।
মাইয়াওলা:  যেলা হোবে চাইর পাও কোটে যাবেন কয়া যাও।
ঢেনাওলা : এলা আছে দুই পাও মনের সুক্কে সগাকে কর আও।
মাইয়াওলা : যেলা হোবে ছয় পাও, কোটে যাবেন ছাওয়া টাকো নিগাও।  
ঢেনাওলা :  এলা আছে এক মন ,নাই ঝগড়া নাই দন।
মাইয়াওলা :  যেলা হোবে দুই মন,  নাগি থাকিবে ঝগড়া দন।
ঢেনাওলা : যেঠে ইচ্ছা সেঠে যা, সক্ সময় আগত ধা। 
মাইয়াওলা : নাই সখ নাই আল্লাদ, বিয়াও করিয়া পড়িনু কী ফাল্লার ।
ঢেনাওলা : থাকি ন, বসি ন, নাই কোনো আও -
মাইয়াওলা : হিকান আনো হুকান আনো, এলায় বাজার যাও।
ঢেনাওলা :   টাইমে   টাইমে খাবার নাগে, ভাল্  ভাল্ শাক
মাইয়াওলা : বিয়াও করিয়া আজি মুই মাথাত দিনু হাত।

জাকোইকোনা, পাটকীদহ, ধূপগুড়ি, জলপাইগুড়ি, ভারত