নােহার খাঁচা
সন্তোষ সিংহ
কুয়ায় ভরা দেওয়াও আজি
পৌষ মাসিয়া শীতত
ঘােঙোর দিছে হাবিলাষও
গােমটা-নাগা চিতত।
ঘাটত আজি নাই ঘাটিয়াল
বন্ধ হইছে খেওয়া
বন্ধ ঘরত মনত পড়ে
জন্ম দিনে দেওয়া
কত আদর, কত চুমা
পায়জামা পাঞ্জাবী;
ভাওয়াইয়া গান-কত নাকান
ভালােবাসার দাবি।
আলু বাড়িত নাইগছে ধ্বসা
ধ্বসা নাইগছে আশাত্
আহার ছাড়ি বসিয়া আছে
পখিও উয়ার বাসাত!
মনসূয়া তুই যাবু কোটে
মেলাবু কোটে ডেনা
ঘরের মানষি বায়রা গেইলে
তাকও না যায় চেনা।
চেনা মানষি অচেনা হইলে
ঠ্যাঙের তলের ভূঁই
সারিয়া যায়া মারিয়া ফেলায়
ভালােবাসার জুঁই!
ভূঁই সরিলে জুঁই মরিলে
কার বা বাদে বাঁচা
মন গােটেয়া এই দেহাটা।
সেলা নােহার খাঁচা।
হালিচা:
সন্তোষ সিংহ