হামার সমাজত শুক্তানি বা শুকাতি নামটা একবার হইলেও সগারে শোনা। শুক্তানির ঝোল অনেকের সেই প্রিয়। তাতে যদি ফির ডাইরকা-পুটিমাছ মিশাল দেয়া যায়, তাইলে তো কোন কতায় না হয়। যা হৌক; আইজকা আন্নাবান্না নিয়া কথা না কমো। আইজ কথা কমো ক্যাদন করি শুক্তানি বানাইবেন।
শুরুতে তোমাক নেয়া নাগিবে পাটাশাকের পাতা। সেই পাতা রৈদত শুকা নাগিবে ১৫ মিনিট। কারন পাতা গুলা একনা ঝামড়ে নেয়া নাগিবে। পাতা গুলা না ঝামড়িলে যদি পাতা ডলেন তাইলে পাতা গুলা ভত্তা হয়া ছিঁড়ি ম্যাচাকার হয়া যাইবে। 😀
শুকার পোন্দোরো মিনিট পর পাতা গুলা কুলাত বা ভালো কোন চাটাই, বস্তা, শান, ধারাই ইত্তাদিত থুইয়া (হাড়বাটঙ কুড়বাটঙ বা রুটি ডলা) ডইলতে থাকো।😀
নিচের ফটোক গুলা দেখ⤵️
প্রথম বার পাঁচ-সাত মিনিট ডলি শুকির দেও। ১০ মিনিটের বেশি শুকাইলে ফির একবার ডলা দিয়া শুকান।
শুক্তানি তৈরি হইলে; প্যাকেট করি শুকনা পাতিল বা তোমার ইচ্ছা মত যাগাত থোন। হামাকো একনা পাঠেয়া দেন। 😁
______নেখাইয়াঃ সুজন রায়।
এডমিন, ভাওয়াইয়া ব্লগ।
হালিচা:
হামার আন্দোন বাড়োন