একনা বুড়ির দুকনা ব্যাটা
শৈলেন দাস
একনা বুড়ির দুকনা ব্যাটা পুকটিত নাই চাম,
দিনে রাইতে ক্যাচাল করি ডুবায় বাপের নাম।
মাথা ঢুপ্লা, টিকা সুল্কা, গােস্তোও নাই গাত;
মুখ চুপুরা, ঢ্যারু গােসাই, রাম কুড়িয়ার জাত।
নাই কথাতে বাঙি ফাটায়, আসােলেতে হােলা---
নাড়িয়া মাথাত কাটোল ভাঙে তাও বােঝেনা, জোলা!
চিলার পাছােত দৌড়ি ব্যাড়ায় না হাতেয়া কান,
টুঙি উসরি জোবরা লাগে নিজের বিছিনা খান।
মিতরের মার ছাদ্দ করে, ধুকরি মরে মাও!
পরার জন্যে ছুরি চোকায় নিজের ভােতােরা দাও।
ক্যাচাল কী আর দুই ভাইয়ে ?উমার জ্যাটো খুড়া
দল ভাঙেয়া ছাওয়া ছােটোক হবার চায় খাড়া।
হাড়িয়া ম্যাঘে আকাশ আন্দার! হুড়কা আইসে হর,
গােড়ালি পচা পই ভাঙিয়া ভাইঙবে বুড়ির ঘর!
হালিচা:
শৈলেন দাস