তরাই আইনু বাঘ তাড়াইনু
জঙ্গল করিনু সাফ ,
খেড় কাটিনু ঘর বানানু
খেদানু বনের সাপ।
খুটা কাটিনু লাঙ্গল বানানু
লাগানু বাঁশের ফাল ,
মাটি খুঁড়িনু আলি বান্ধিনু
ঠাসিয়া ধরিনু হাল।
রােয়া গাড়িনু ধান ফলানু
কৃষিকাজে দিনু মন ,
রাস্তা বানানু হাট বসানু
বেচানু আলু বেগন।।
এন্ডা গাড়িনু তেল বানানু
জ্বালানু এন্ডার বাতি,
পাট গাড়িনু সিঞ্জা পাইনু
তাড়ানু বনের হাতী।
শন ফেলানু সূতা পাকানু
বানানু ফানদি জাল ,
বাঁশ কাটিনু ছাতি বানানু
কাটিলাম বর্ষাকাল।
খলৈ বানানু মাছ মারিনু
আন্ধিনু মাছের ঝাল ,
গাই পুষিনু দই পাতিনু
সিদ্ধ কৈনু সরু চাল ।
মাটি আনিনু মাথা ঘষি
চিকিনা মাটি দিয়া ,
বাজার গেনুধান বেচিনু
মণে দুই আনা নিয়া ।
হালিচা:
কালীন্দ্রনাথ বর্মণ