আশ্বিন কার্ত্তিক এই দুই মাস নিদানচাউলিয়া
এই দুই মাসে হামা দিশাদুয়ার ফেলাই আউলিয়া ।
হােকোর দেবীঠাকুরটাও হামার পূজা নিবার বাদে
তাকে-তুকে মর্তে নামিয়া আইসে স্বর্গ ধাম হাতে।।
অবুঝ ছাওয়াগেলা জামার তানে বারাে বাহান ধরে ,
আধাবসী গিত্থানীটা তাও মখমখরি করে ।।
ঝাকুয়া ছাওয়ার মাও আরাে দেহা হইছে ভারি ,
হাউসের গিত্থানীটা তাহ চাহে নাইলনের শাড়ী ।
দুর্গাপূজার ছনছনানি গগনানি যেলা ভাই পৈল ,
যত ছােট বড় শেঠগেলার ভাই মস্ত বড় হিত হৈল ।।
কাহাে কাহাে একতলার উপরটা রাখিছে ভাই ফাকা ,
দোতালাটা “মকাপ করিবে দিয়া পাটার টাকা।
“ডাউন করিয়া দিলেক ভাইরে হামার পাটার বাজার ,
লাখ লাখ টাকা মারিল , মারি হাজার হাজার ।
আধেক দামে পাটা বেচেয়া পাননা য়ে কয়কেনা টাকা ,
“ডবল” দামে কাপড় কিনিয়া পকেট হৈল হামার ফাকা।
উদে মারে মাছরে ভাই , খাটাশে করে তিন ভাগ ,
মাছ মারিয়া খাবার বেলা খাছি হামা পাটা শাক।
কি হবে হামার তানে খুলিয়া কৃষি ডিপার্টমেন্ট,
ঐলা দুর্নীতির দিকে নজর না দেয় যদি গভর্ণমেন্ট।
ভাইরে দেবীঠাকুর করিয়া না হন তমহা মাত ,
অন্তর দিয়া ভক্তি কর খালি করিয়া জোর হাত।
হককে হয় যদি দুর্গতিনাশিনী মাও দেবীঠাকুর ,
বুড়া কাপড়ে ভক্তি করিলে হামার দুঃখ করিবে দূর।
পূজায় চড়া দামে নয়া কাপড় কিনা তম্য ছাড় ,
খালি অন্তর দিয়া ভক্তি কর যত পারাে।
ভাইরে ডাউরিয়া মানষিগেলা দেশ দেখিয়া করাে ভেশ
যে কনেক রক্ত আছে আর না করেন তমা শেষ ।
কাঙ্গাল কলিন বর্মণের কাথা আজি এইঠে হৈল শেষ,
ধন-ধানে ভরপুর হউক , মাের সােনার বাংলাদেশ ।
হালিচা:
কালীন্দ্রনাথ বর্মণ